उत्सव खबर 
Raju Sah
74
काठमाडौँ, २९ फागुन
गर्मी सुरु भएसँगै पानीको मुहान सुक्दा सल्यानको बनगाड कुपिण्डे नगरपालिका–५ शंखपिपलस्थित त्रिभुवन जनता माध्यमिक विद्यालयमा खानेपानीको चरम अभाव भएको छ।
पानीको मुहान सुक्दा करिब ९०१ जना विद्यार्थी, शिक्षक र कर्मचारी पानीको अभाव झेलिरहेका छन्। हाल सोलार लिफ्ट प्रणालीबाट दिनमा २००–५०० लिटर मात्र पानी उपलब्ध हुने भएकाले पिउन र सरसफाइका लागि पर्याप्त छैन।
समस्या समाधानका लागि बनगाड खोला नजिक कुवा खनेर लिफ्ट प्रणालीमार्फत पानी ल्याउने विकल्पबारे विद्यालयले नगरपालिका र प्रदेश सरकारसँग माग गरेको छ |