उत्सव खबर 
Raju Sah
87
काठमाडौँ, १८ माघ — नेपाली बजारमा लगातार नयाँ रेकर्ड कायम गर्दै आएको सुनको मूल्य आइतबार एकाएक घटेको छ। नेपाल सुनचाँदी व्यवसायी महासंघका अनुसार आइतबार सुनको मूल्य प्रतितोला १८ हजार ८ सय रुपैयाँले घटेको हो।
महासंघका अनुसार आइतबार सुनको मूल्य प्रतितोला ३ लाख रुपैयाँ कायम भएको छ। यसअघि शुक्रबार सुन प्रतितोला ३ लाख १८ हजार ८ सय रुपैयाँमा कारोबार भएको थियो। त्यस्तै, बिहीबार सुनको मूल्य प्रतितोला २० हजार ५ सय रुपैयाँले बढेर ३ लाख ३९ हजार ३ सय रुपैयाँ पुगेको थियो।
यसैगरी, चाँदीको मूल्यमा पनि उल्लेख्य गिरावट आएको छ। आइतबार चाँदीको मूल्य प्रतितोला १ हजार ५ सय ६५ रुपैयाँले घट्दै ५ हजार ५ सय रुपैयाँ कायम भएको महासंघले जनाएको छ। शुक्रबार चाँदीको मूल्य प्रतितोला ७ हजार ६५ रुपैयाँ रहेको थियो।