उत्सव खबर 
Raju Sah
काठमाडौं, ४ माघ – नेपाली कांग्रेसको गगन थापा समूहलाई आधिकारिकता दिने निर्वाचन आयोगको निर्णयविरुद्ध शेरबहादुर देउवा पक्षले सर्वोच्च अदालतमा रिट दर्ता गरेको छ ।
कांग्रेस नेताद्वय शेरबहादुर देउवा र पूर्णबहादुर खड्काका वारेस श्रवणकुमार श्रेष्ठले उक्त रिट दायर गर्नुभएको हो । सर्वोच्च अदालत प्रशासनका अनुसार रिटको प्रारम्भिक सुनुवाइ आगामी मङ्गलबार ६ माघ मा हुने तय भएको छ ।
रिटमा निर्वाचन आयोगको निर्णय बदर गर्न, यही माघ ६ गतेका लागि तय गरिएको निर्वाचन प्रक्रियाअन्तर्गत उम्मेदवार मनोनयन स्थगन गर्न तथा निर्वाचनबाट गठन भएको नयाँ कार्यसमिति अवैधानिक रहेको जिकिर गरिएको छ ।
निर्वाचन आयोगले गगन थापा समूहलाई आधिकारिकता दिएको निर्णयले पार्टीभित्र विवाद चर्किएको अवस्थामा देउवा पक्षले अदालतको शरण लिएको हो । यस विषयमा सर्वोच्च अदालतको आदेशले कांग्रेसको आन्तरिक राजनीतिमा महत्वपूर्ण असर पर्ने देखिएको छ ।