उत्सव खबर 
Raju Sah
काठमाडौँ, ९ कात्तिक २०८२ ।
प्रधानमन्त्री सुशीला कार्की नेतृत्वको सरकारले आज चार जना नयाँ मन्त्रीहरूलाई मन्त्रिपरिषद्मा समावेश गर्न लागेको छ। उनीहरूको नाम टुंगो लागी सकेको छ र आजै शपथ ग्रहणको तयारी गरिएको स्रोतले जनाएको छ।
नयाँ मन्त्रीहरूमा डा. सुधा शर्मा गौतम, गणपति लाल श्रेष्ठ, खगेन्द्र सुनार र बब्लु गुप्ता रहेका छन्। सरकारका अनुसार मन्त्रालयको जिम्मेवारीमा डा. सुधा शर्मा गौतम — स्वास्थ्य तथा जनसंख्या मन्त्रालय, गणपति लाल श्रेष्ठ — संस्कृति, पर्यटन तथा नागरिक उड्डयन मन्त्रालय, खगेन्द्र सुनार — श्रम तथा रोजगार मन्त्रालय, र बब्लु गुप्ता — युवा तथा खेलकुद मन्त्रालयको जिम्मेवारी दीइएको जनाएको छ |
प्रधानमन्त्री कार्कीले चारै जनाको नामावली राष्ट्रपति कार्यालयमा सिफारिस गरिसकेकी छन्। राष्ट्रपति कार्यालयले शपथ ग्रहणको समय छिट्टै सार्वजनिक गर्ने जनाएको छ।