उत्सव खबर 
Raju Sah
काठमाडौँ २५ असोज। प्रधानमन्त्री सुशीला कार्कीले जेनजी प्रतिनिधिहरूलाई समेटेर मन्त्रिपरिषद् विस्तार गर्ने तयारी अघि बढाएकी छिन् । प्रधानमन्त्री कार्यालय निकट स्रोतका अनुसार आगामी सोमबारसम्म शपथग्रहण हुनेगरी चार जना नयाँ मन्त्री नियुक्त हुने तयारी अन्तिम चरणमा पुगेको छ ।
शुक्रबार साँझ प्राप्त जानकारी अनुसार, मन्त्रीहरूको नाम टुंगो लागिसकेको छ । जेनजी समुदायको प्रतिनिधित्व गर्दै मन्त्री बन्ने व्यक्तिहरूमा गणपतिलाल श्रेष्ठ, बब्लु गुप्ता, रामजी राम र टासी ल्हाजोम रहेका छन् ।
प्रधानमन्त्री कार्कीले गठन गर्न लागेको नयाँ मन्त्रिपरिषद् विस्तारमा —गणपतिलाल श्रेष्ठलाई संस्कृति, पर्यटन तथा नागरिक उड्ययन मन्त्रालय, बब्लु गुप्तालाई युवा तथा खेलकुद मन्त्रालय, रामजी रामलाई स्वास्थ्य तथा जनसंख्या मन्त्रालय, र टासी ल्हाजोमलाई महिला, बालबालिका तथा ज्येष्ठ नागरिक मन्त्रालयको जिम्मेवारी दिने तयारी गरिएको स्रोतले जनाएको छ ।