उत्सव खबर 
Raju Sah
101
काठमाडौं, २ असोज : नेकपा एमालेका अध्यक्ष एवं पूर्व प्रधानमन्त्री केपी शर्मा ओली सैनिक ब्यारेकबाट बाहिरिएका छन् । जेनजी प्रदर्शनका क्रममा नेपाली सेनाले सुरक्षाका कारण उनलाई नियन्त्रणमा लिएर ब्यारेकमा राखेको थियो ।
गत २४ भदौदेखि सैनिक ब्यारेकमा बस्दै आएका ओलीलाई सोमबार बाहिर निकालिएको हो । सुरक्षा स्रोतका अनुसार उनी भक्तपुरको गुण्डु सरेका छन् । त्यहाँका लागि भाडाको घर व्यवस्था गरिएको छ ।
बालकोटस्थित ओलीको घर जेनजी प्रदर्शनकारीले जलाएपछि उनी त्यहाँ फर्किन नसकेको र नयाँ बासस्थानको खोजीमा रहेका बेला गुण्डुमा अस्थायी बसोबासको व्यवस्था गरिएको हो ।
ओलीलाई गुण्डुमा बसाल्ने पहल एमाले पोलिटब्युरो सदस्य महेश बस्नेतले गरेका हुन् । बस्नेतले चाँडै भव्य कार्यक्रममार्फत् ओलीलाई सार्वजनिक गर्ने घोषणा समेत गरेका छन् ।