उत्सव खबर 
Raju Sah
काठमाडौं, २३ भदौ २०८२ – सामाजिक सञ्जाल बन्द र शासकीय अव्यवस्थाविरुद्ध आज गरिएको जेनजी को प्रदर्शनमा प्रहरीले प्रदर्शनकारी माथि गोलि चलाउदा १९ जनाको मृत्यु भएको छ भने ३४७ जना घाइते भएका छन्। स्वास्थ्य तथा जनसंख्या मन्त्रालयले देशभरका विभिन्न अस्पतालबाट सङ्कलन गरेको विवरण अनुसार, मृतकको संख्या १९ पुगेको हो।
काठमाडौंका विभिन्न अस्पतालमा मृत्युको विवरण यस प्रकार छ: सिभिल अस्पतालमा ३, राष्ट्रिय ट्रमा सेन्टरमा ८, एभरेष्ट अस्पतालमा ३, केएमसी अस्पतालमा २, त्रिवि शिक्षण अस्पतालमा १, र विपि कोइराला स्वास्थ्य विज्ञान प्रतिष्ठानमा २ जनाको मृत्यु भएको छ।
त्यस्तै, काठमाडौं बाहिर सुनसरीको इटहरीमा प्रहरीले प्रदर्शनकारीलाइ गोली हानी २ जनाको मृत्यु भएको छ। घाइतेमध्ये धेरैको विभिन्न अस्पतालमा उपचार भइरहेको स्वास्थ्य मन्त्रालयले जनाएको छ।
चौरतर्फी रुपमा सरकारको बिरोध भइरहेको छ भने गृह मन्त्री र प्रधानमन्त्रीको राजिनामा माग गरिएको छ | प्रदर्शनको कारणले देशभर तनावको अवस्था सिर्जना भएको छ। ठाउँ ठाउमा प्रशासनद्वारा कर्फु जारी भएको छ |