उत्सव खबर 
Raju Sah
103
२३ श्रावन, वीरगंज –भोलि देशभर दाजुभाइ र दिदीबहिनीबीचको पवित्र स्नेह र बन्धनको प्रतीक रक्षा बन्धन पर्व धूमधामका साथ मनाइने भएको छ। प्रत्येक वर्ष श्रावण पूर्णिमाको दिन मनाइने यस पर्वमा दिदीबहिनीहरूले दाजुभाइको हातमा राखी बाँधेर दीर्घायु र समृद्धिको कामना गर्छन्, र दाजुभाइहरूले दिदीबहिनीलाई उपहारसहित संरक्षणको वाचा गर्छन्।
पर्वलाई लक्षित गर्दै बजारहरुमा राखी, उपहार र मिठाईको बिक्री जोरसाथ भइरहेको छ। सुन–चाँदीजडित राखी, थिमेटिक राखी, र बालबालिकालाई आकर्षित गर्ने कार्टुन डिजाइनका राखीको माग यस वर्ष बढी देखिएको छ।
पर्वको दिन बिहानै परिवारजनहरू एकत्रित भई पूजापाठसहित राखी बाँध्ने र मिठाई तथा विशेष परिकारहरू आदान–प्रदान गर्ने परम्परा छ। केही समुदायमा यस दिन जनै पूर्णिमा पनि मनाइने भएकाले गंगा स्नान, दान–पुण्य र व्रतको विशेष महत्त्व रहनेछ।