उत्सव खबर 
Raju Sah
129
गाँजासहित व्यक्ति र मोटरसाइकल नियन्त्रणमा
पर्सा, श्रावण १७ गते – पर्सा जिल्लाको पटेर्वा सुगौली गाउँपालिका–४ स्थित करबोला चोकमा लागुऔषध गाँजासहित एक व्यक्ति र मोटरसाइकल प्रहरीले नियन्त्रणमा लिएको छ।
इलाका प्रहरी कार्यालय पटेर्वा सुगौलीबाट खटिएको प्रहरी टोलीले चेकजाँचको क्रममा बेलुवाबाट देवरवाना तर्फ जाँदै गरेको BR05AG6805 नम्बरको मोटरसाइकल तथा त्यसका चालकलाई शंका लागेर रोकेर जाँच गर्दा ८.४४० किलोग्राम लागुऔषध गाँजा फेला पारेको हो।
पक्राउ परेका व्यक्ति पर्सा गढी नगरपालिका–९, एकटाङ्गा निवासी ३४ वर्षीय जग मोहन यादव रहेका छन्। उनी बोतु राउत अहिरका छोरा हुन्। गाँजा मोटरसाइकलको सिटमुनी र यादवकै शरीरमा बाँधिएको अवस्थामा फेला परेको प्रहरीले जनाएको छ।
प्रहरीले गाँजा, मोटरसाइकल र यादवलाई नियन्त्रणमा लिएर थप अनुसन्धान गरिरहेको जानकारी दिएको छ।