उत्सव खबर 
100
काठमाडौं, शुक्रबार १३ चैत २०८२— महान्यायाधिवक्ता सविता भण्डारी बरालले पदबाट राजीनामा दिएकी छन्। उनले शुक्रबार औपचारिक रूपमा आफ्नो पदबाट राजीनामा दिएको स्रोतले जनाएको छ।
बराललाई गत भदौ २९ गते पूर्वप्रधानन्यायाधीश सुशीला कार्कीले महान्यायाधिवक्तामा नियुक्त गरेकी थिइन्। उनी सरकारले नियुक्त गर्ने प्रमुख कानुनी सल्लाहकारका रूपमा कार्यरत थिइन्।
नेपालमा प्रचलित व्यवस्थाअनुसार प्रधानमन्त्री पदबाट बाहिरिएसँगै महान्यायाधिवक्ताले पनि नैतिक आधारमा राजीनामा दिने परम्परा रहँदै आएको छ। सोही परम्परा अनुसार बरालले पनि पदबाट अलग हुने निर्णय लिएको बुझिएको छ।
उनको राजीनामापछि अब नयाँ महान्यायाधिवक्ता नियुक्तिको प्रक्रिया अघि बढ्नेछ।