जलेश्वर नाकामा प्रहरीको कडाइ, राति गरिएको कारबाहीमा अवैध सामान बरामद

63

महोत्तरी, १४ फागुन — जलेश्वर नगरपालिका वडा नं. १२ क्षेत्रमा प्रहरीले भन्सार चोरी पैठारीका सामानसहित सवारी साधन नियन्त्रणमा लिएको छ।

विशेष सूचनाको आधारमा फागुन १३ गते राति करिब ९ बजे खटिएको प्रहरी टोलीले चेकजाँच गर्ने क्रममा लत्ताकपडा, रक्सी तथा खाद्यान्न लगायतका करिब रु. ६ लाख ६७ हजार ७४० बराबरका सामान बरामद गरेको जनाएको छ।

प्रहरीले ज १ ह २५६१ नम्बरको अटो तथा BR 09 V 7457, BR 30 AY 7722 र BR 30 M 0265 नम्बरका मोटरसाइकल गरी चार सवारी साधनसमेत नियन्त्रणमा लिएको छ।

बरामद सामान र सवारी साधन आवश्यक कारबाहीका लागि मिति २०८२ फागुन १४ गते जलेश्वर भन्सार कार्यालय पठाइएको प्रहरीले जनाएको छ।