उत्सव खबर 
Raju Sah
75
झापा, २२ माघ- झापा निर्वाचन क्षेत्र नम्बर ५ मा राष्ट्रिय स्वतन्त्र पार्टी (रास्वपा) को सम्पर्क कार्यालयमा तोडफोड भएको छ। पार्टीका अनुसार कमल गाउँपालिका–२ मा रहेको सम्पर्क कार्यालयमा अज्ञात समूहले तोडफोड गरेको हो।
तोडफोडका क्रममा सम्पर्क कार्यालयको सिसा फुटेको छ भने अन्य भौतिक क्षति भने खासै नभएको पार्टीले जनाएको छ। उक्त कार्यालयबाट पार्टीका वरिष्ठ नेता बालेन्द्र शाह उम्मेदवार रहेका छन्। रास्वपाले उनलाई भावी प्रधानमन्त्रीको रूपमा अघि सारेको छ।
तोडफोड कसले र किन गरेको हो भन्ने विषयमा हालसम्म स्पष्ट भइसकेको छैन। घटनाबारे पार्टीले प्रहरीलाई जानकारी गराइसकेको छ।
प्रहरीका अनुसार घटनामा संलग्न व्यक्तिको पहिचान तथा खोजी कार्य भइरहेको छ। घटनाको अनुसन्धान सुरु गरिएको र दोषीमाथि कानुनी कारबाही गरिने प्रहरीले जनाएको छ।