उत्सव खबर 
Raju Sah
101
सुनसरी, माघ २१ गते —
सुनसरी जिल्लामा लागू औषध कारोबारमा संलग्न रहेको आरोपमा ब्राउन सुगरसहित तीन जनालाई प्रहरीले पक्राउ गरेको छ।
इलाका प्रहरी कार्यालय लौकही र लागू औषध नियन्त्रण ब्युरो विराटनगरको संयुक्त टोलीले माघ २० गते सुनसरीको कोशी गाउँपालिका–१ र भोक्राहा नरसिंह गाउँपालिका–६ क्षेत्रबाट उनीहरूलाई नियन्त्रणमा लिएको हो।
पक्राउ पर्नेमा धनकुटा नगरपालिका–९ का सुक्दिप राई र सहिदभूमि गाउँपालिका–४ का साजन राई रहेका छन्। उनीहरूको साथबाट १० ग्राम ५२ मिलिग्राम ब्राउन सुगर बरामद गरिएको प्रहरीले जनाएको छ। त्यस्तै सप्तरी जिल्लाका इश्वर प्रसाद भगतलाई ३ ग्राम ०४ मिलिग्राम ब्राउन सुगरसहित पक्राउ गरिएको छ।
पक्राउ परेका तीनै जनामाथि लागू औषध सम्बन्धी कसुरमा थप अनुसन्धान भइरहेको जिल्ला प्रहरीले जानकारी दिएको छ।