उत्सव खबर 
Raju Sah
91
धरान, पुस २७
इलाका प्रहरी कार्यालय धरान, सुनसरीले धरान उपमहानगरपालिका–१६ बाट प्रतिबन्धित औषधि ९ हजार ९ सय १० क्याप्सुलसहित दुई जनालाई पक्राउ गरेको छ।
प्रहरीका अनुसार पुस २७ गते बिहान गस्तीमा खटिएको प्रहरी टोलीले धरान–१६ स्थित शंकास्पद अवस्थामा रहेको को १८ प ४२५६ नम्बरको मोटरसाइकललाई चेकजाँच गर्ने क्रममा उक्त परिमाणको प्रतिबन्धित औषधि फेला पारेको हो। पक्राउ पर्नेहरूमा मोटरसाइकल चालक कोशी गाउँपालिका–१ निवासी २३ वर्षीय रोशन झा र १८ वर्षीय जय प्रकाश यादव रहेका छन्।
चेकजाँचका क्रममा उनीहरूको साथबाट ठूलो परिमाणमा प्रतिबन्धित क्याप्सुल फेला परेपछि दुवै जनालाई नियन्त्रणमा लिई मोटरसाइकलसहित बरामद गरिएको प्रहरीले जनाएको छ।
प्रतिबन्धित औषधिसहित पक्राउ परेका दुवै जनाको सम्बन्धमा इलाका प्रहरी कार्यालय धरानबाट थप अनुसन्धान भइरहेको छ।