उत्सव खबर 
Raju Sah
रौतहट, १२ पुस — रौतहट जिल्लाको कटहरिया नगरपालिका–९ मा रहेको ज्योति डिस्टिलरी उद्योग प्रा ली मा शनिबार बिहान ठूलो बोइलर विस्फोट हुँदा एक जनाको घटनास्थलमै मृत्यु भएको छ भने पाँच जना कामदार घाइते भएका छन्।
प्रारम्भिक जानकारीअनुसार बिहानको समयमा भएको विस्फोट अत्यन्त शक्तिशाली थियो। विस्फोटका कारण डिस्टिलरी परिसरमा व्यापक क्षति पुगेको छ। घाइतेमध्ये केहीको अवस्था गम्भीर रहेको र उनीहरूलाई थप उपचारका लागि वीरगञ्जतर्फ रेफर गरिएको जिल्ला प्रहरी कार्यालय रौतहटले जनाएको छ।
जिल्ला प्रहरी कार्यालय रौतहटले घटनास्थलमा थप प्रहरी टोली परिचालन गरी अनुसन्धान अगाडि बढाइएको छ। विस्फोटको ठोस कारण खुल्न बाँकी रहेकाले प्राविधिक परीक्षण र विस्तृत छानबिन भइरहेको प्रहरीले जनाएको छ।
यसैबीच, स्थानीयवासीहरूले डिस्टिलरी सञ्चालकको लापरबाहीका कारण दुर्घटना भएको आरोप लगाएका छन्। उनीहरूले उद्योगमा सुरक्षा मापदण्डको कडाइका साथ पालना हुनुपर्ने मागसमेत गरेका छन्। घटनाको विस्तृत कारणबारे अनुसन्धान जारी रहेको प्रहरीले जनाएको छ।
103