उत्सव खबर 
Raju Sah
138
काठमाडौँ, ६ कार्तिक – हामी नेपालका संयोजक सुदन गुरुङले आन्दोलनको प्राथमिकता सिंहदरबार होइन, गोली हान्ने र आदेश दिनेहरूलाई कारबाहीमा ल्याउने हुनुपर्ने बताएका छन्।
माइतीघर मण्डलमा आयोजित जेन–जी सहिदको सम्झना कार्यक्रममा उनले भौतिक संरचना भन्दा मानव जीवनको मूल्य ठूलो हुने उल्लेख गर्दै भने,
“सिंहदरबार त हजार वटा बनाउन सकिन्छ, तर आमाको कोख रित्याएर गएको छोरा फर्किँदैन।”
गुरुङले नेताहरूले ‘फुटाऊ र राज गर’ रणनीति अपनाएर आन्दोलनलाई कमजोर बनाउन खोजेको आरोप लगाए।
उनका अनुसार जेन–जी आन्दोलनको सबैभन्दा ठूलो उपलब्धि सरकार र प्रशासनलाई जनतासँग उत्तरदायी र डराउने अवस्थामा ल्याउनु हो।
“यो नेपालकै इतिहासमा पहिलो पटक हो जब सरकार जनतासँग डराएको छ,” उनले भने, “अब यो उपलब्धि जोगाउन हामी सबै एक हुनुपर्छ।”