पूर्वसभामुख कृष्णबहादुर महरा सुन तस्करी प्रकरणमा पक्राउ

126

काठमाडौं, २६ असोज —पूर्वसभामुख कृष्णबहादुर महरा आज आइतबार नेपाल प्रहरीको केन्द्रीय अनुसन्धान ब्यूरो (सीआईबी) द्वारा पक्राउ परेका छन्। महरामाथि त्रिभुवन अन्तर्राष्ट्रिय विमानस्थलमार्फत भेप (vape) भित्र्याई ९ किलो सुन तस्करी प्रकरणमा संलग्न रहेको आरोप लागेको छ।

२०७९ पुसमा चिनियाँ नागरिक ली हानसङले ल्याएको दुई सुटकेशभित्र ७३० थान भेपमार्फत ८ करोड ५५ लाख रुपैयाँ बराबरको सुन लुकाइएको थियो। सो सुन भन्सारका केही अधिकारी र महराको मिलेमतोमा छुटाउन प्रयास गरिएको सीआईबीको अनुसन्धानमा खुलेको छ।

यसअघि महराका छोरा राहुल महरा सोही मुद्दामा पक्राउ परेर कारागार चलान भइसकेका छन्।