विद्युतीय शवदाह उपकरण खरिदमा १० करोड बढी भ्रष्टाचार, पशुपति कोषका सदस्य–सचिवसहित १३ जनाविरुद्ध मुद्दा

126

काठमाडौं, असार ८, उत्सव खबर — विद्युतीय शवदाह उपकरण खरिदमा भ्रष्टाचार गरेको अभियोगमा अख्तियार दुरुपयोग अनुसन्धान आयोगले पशुपति क्षेत्र विकास कोषका सदस्य–सचिव मिलनकुमार थापासहित १३ जना र एक संस्थाविरुद्ध विशेष अदालतमा मुद्दा दायर गरेको छ। अख्तियारका अनुसार, १० करोड ३३ लाख रुपैयाँभन्दा बढीको भ्रष्टाचार योजनाबद्ध रूपमा ठेकेदार र परामर्शदाता छनोट गरेर गरिएको हो।  तीन कम्पनीबाट दररेट माग गरेको देखाएर एप्पल इन्जिनियरिङ प्रोफेसनल कन्सलटेन्सीमार्फत फर्जी कोटेसन तयार गरिएको, लागत अनुमान समेत आफूअनुकूल कम्पनीलाई दिन मिल्ने गरी बनाइएको, र परामर्शदातालाई विलबिजक नआउँदै भुक्तानी दिइएको अनुसन्धानमा खुलासा भएको छ। लागत अनुमान पनि आफूअनुकूल कम्पनीलाई दिन सकिने गरी तयार पारिएको र परामर्शदातालाई विलबिजक जारीपूर्व नै भुक्तानी दिएको आरोप लगाइएको छ । अख्तियारले सदस्य(सचिव थापाबाहेक तत्कालीन निमित्त सदस्य(सचिव राजुकुमार खत्री, तत्कालीन कार्यकारी निर्देशक घनश्याम खतिवडा र उपनिर्देशक रेवतिरमण अधिकारी विरुद्ध पनि मुद्धा दायर गरेको छ । पशुपति क्षेत्र विकास कोषकै देवपतन काठमाडौंका इन्जिनियर रमेश पुरी, एप्पल इन्जिनियरिङ प्रोफेसनल कन्सलटेण्ट कम्पनीका प्रवन्ध निर्देशक सुरज चापागाइँलाई पनि प्रतिवादी बनाइको छ । सबै आरोपीसँग १० करोड ३३ लाख ९१ हजार बिगो मागदाबी गरिएको छ ।