उत्सव खबर 
145
उत्सव खबर, असार २ — कर्णाली प्रदेश सरकारले आगामी आर्थिक वर्ष २०८२/०८३ का लागि ३२ अर्ब ९९ करोड ६६ लाख ५५ हजार रुपैयाँको बजेट सार्वजनिक गरेको छ। चालु आर्थिक वर्षको तुलनामा यो करिब ५ प्रतिशतले बढी हो।
आर्थिक मामिला तथा योजना मन्त्री राजीवविक्रम शाहले बजेट प्रदेशसभामा मध्यराति प्रस्तुत गरेका हुन्। दलहरूबीच सहमति नजुट्दा पनि कानुनी बाध्यताअनुसार असार १ गतेभित्र बजेट ल्याउनुपर्ने भएकाले राति १२ बजेतिर बजेट सार्वजनिक गरिएको हो।
बजेट विनियोजनअनुसार, पुँजीगत खर्चतर्फ १९ अर्ब ९८ करोड २७ लाख १३ हजार र चालु खर्चतर्फ ७ अर्ब ७९ करोड ९१ लाख १ हजार रुपैयाँ छुट्याइएको छ।
दलहरूबीचको राजनीतिक खिचातानी र प्रमुख प्रतिपक्षीद्वारा बजेट बहिष्कारको चेतावनीका कारण बजेट प्रस्तुत हुने–नहुने विषयमा दिनभर अन्योल थियो। तर अन्ततः सरकारले समयमै बजेट प्रस्तुत गरेको हो।