उत्सव खबर 
36
वीरगञ्ज । जिल्ला सरकारी वकिल कार्यालय पर्साले वीरगञ्ज महानगरपालिकाका मेयर राजेशमान सिंह विरुद्ध जिल्ला अदालत पर्सामा चार वटा मुद्दा दायर गरेको छ । अर्काकी छोरीलाई आफ्नै छोरीका रूपमा देखाएर जन्मदर्ता, नागरिकता, राहदानी लगायतका सरकारी कागजात बनाइएको आरोपमा मुद्दा दायर गरिएको हो ।
छपकैया पर्सा निवासी लियाकत अलीले २०८० माघमा दिएको उजुरीपछि अनुसन्धान सुरु भए पनि लामो समय निष्कर्षमा पुग्न सकेको थिएन । पछि उच्च अदालतको परमादेशपछि प्रहरीले अनुसन्धान पूरा गरी प्रतिवेदन सरकारी वकिल कार्यालयमा बुझाएको थियो ।
प्रहरी प्रतिवेदनका आधारमा मेयर सिंहविरुद्ध झुठा विवरण पेश गरी नागरिकता बनाएको तथा लिखत सम्बन्धी कसुरअन्तर्गत दुई/ दुई वटा मुद्दा दायर गरिएको जिल्ला सरकारी वकिल कार्यालयले जनाएको छ ।