सुनको मूल्य बढ्यो, चाँदी घट्यो

90

काठमाडौं, २५ पुस — नेपाली बजारमा आज सुनको मूल्यमा वृद्धि भएको छ भने चाँदीको मूल्य घटेको छ। शुक्रबार सुन प्रतितोला २ हजार १ सय रुपैयाँले बढेको हो।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला २ लाख ६७ हजार ८ सय रुपैयाँ कायम भएको छ। यसअघि बिहीबार छापावाल सुनको मूल्य प्रतितोला २ लाख ६५ हजार ७ सय रुपैयाँ थियो।
यसैगरी, चाँदीको मूल्य भने घटेको छ। आज चाँदी प्रतितोला ५५ रुपैयाँले घटेको महासंघले जनाएको छ। बिहीबार प्रतितोला ४ हजार ८ सय ३५ रुपैयाँमा कारोबार भइरहेको चाँदी आज घटेर प्रतितोला ४ हजार ७ सय ८० रुपैयाँमा कारोबार भइरहेको छ।
अन्तर्राष्ट्रिय बजारको उतारचढाव तथा स्थानीय माग आपूर्तिको अवस्थाका कारण सुनचाँदीको मूल्यमा परिवर्तन हुँदै आएको व्यवसायीहरू बताउँछन्।