उत्सव खबर 
106
काठमाडौं, ८ पुस- राष्ट्रपति रामचन्द्र पौडेलले विघटित प्रतिनिधिसभाका प्रमुख तीन दलका शीर्ष नेताहरूसँग छलफल गर्ने भएका छन् । राष्ट्रपति पौडेलले मंगलबार नेपाली कांग्रेस, नेकपा एमाले र नवगठित नेपाली कम्युनिस्ट पार्टीका शीर्ष नेताहरूसँग छलफल गर्न लागेका हुन् ।
राष्ट्रपतिको कार्यालयका अनुसार आज दिउँसो ३ बजे कांग्रेस सभापति शेरबहादुर देउवा, एमाले अध्यक्ष केपी शर्मा ओली र नेकपाका संयोजक पुष्पकमल दाहाल ‘प्रचण्ड’सँग छलफल हुने कार्यक्रम तय भएको छ ।
तर, राष्ट्रपति कार्यालयले पूर्वप्रधानमन्त्रीसंग हुन लागेको छलफलको एजेन्डाबारे भने कुनै जानकारी सार्वजनिक गरेको छैन । छलफलको विषयवस्तु गोप्य राखिए पनि समसामयिक राजनीतिक अवस्थाबारे विचार–विमर्श हुने अनुमान गरिएको छ ।