उत्सव खबर 
असार ३१ जनकपुरधाम – मधेश प्रदेशका मुख्यमन्त्री शतिश सिहंले आज संघीय सरकारका माननीय खानेपानी मन्त्री प्रदीप यादवसँग महत्वपूर्ण भेटवार्ता गरेका छन्। उक्त छलफलमा मधेश प्रदेशमा दीर्घकालदेखि रहँदै आएको खानेपानी समस्याको समाधानका लागि संघीय तथा प्रदेश सरकार संयुक्त रूपमा अभियान सञ्चालन गर्ने प्रतिबद्धता व्यक्त गरिएको छ। मुख्यमन्त्री सिहंले जानकारी गराएअनुसार, खानेपानी संकट अन्त्य गर्न संघीय र प्रदेश सरकारका संयन्त्रहरूलाई संयुक्त रूपमा परिचालन गर्दै ठोस र प्रभावकारी कार्यक्रमहरु अघि बढाइनेछ। “हामी खानेपानी समस्या समाधानका लागि अभियानकै रूपमा अघि बढ्नेछौं। संघीय र प्रदेश सरकारले भएका साधनस्रोतको अधिकतम प्रयोग गरी सशर्त योजनाहरूलाई तत्काल कार्यान्वयन गर्नेछौं,” मुख्यमन्त्री सिहंले बताए। छलफलमा दुबै पक्षबीच सहकार्य, अनुगमन र पूर्वाधार निर्माणमा एकीकृत पहलको आवश्यकता औंल्याइएको थियो। संघीय र प्रदेश सरकारबीचको समन्वयलाई अझ सुदृढ बनाउँदै, खानेपानी वितरण प्रणालीलाई व्यवस्थित गर्ने दिशामा कार्य अघि बढाउने निर्णय पनि गरिएको छ। मधेश प्रदेशका विभिन्न जिल्लाहरूमा लामो समयदेखि देखिएको खानेपानी अभावले जनजीवन प्रभावित भएको छ
108