मोटरसाइकल चोरी गर्ने तीन जना पक्राउ

124

असार ३२ कलैंया बारा।  जिल्ला प्रहरी कार्यालय बाराका प्रहरी उपरीक्षक सन्तोष तामाङको कमाण्डमा खटिएको टोलीले मोटरसाइकल चोरी गर्ने, खरीद विक्री गर्ने व्यक्तिहरूलाई प्रहरीले पक्राउ गरेको छ। मंगलबार बाराबाट तीन जनालाई रौतहट प्रहरीको समन्वयमा पक्राउ गरिएको जिल्ला प्रहरी कार्यालय बाराका निमित्त सूचना अधिकारी तथा प्रहरी निरीक्षक खेमप्रसाद नेपालले जानकारी दिए। पक्राउ परेकाहरूमा बाराको निजगढ नगरपालिका–७ योजना टोल निवासी २५ वर्षीय चमन मगर, रौतहट गुजरा नगरपालिका–२ निवासी २३ वर्षीय रोशन मगर र रौतहटको गरुडा नगरपालिका–२ गेडहीगुठी टोलका ३० वर्षीय राम प्रवेश महरा रहेको बारा प्रहरीले जनाएको छ। प्रहरीका अनुसार पक्राउ परेकाहरुलाई आवश्यक कारवाही भइरहेको छ ।