३० जेठ, वीरगंज – भारतको प्रमुख उद्योग समूह टाटा ग्रुपले अहमदाबादबाट लन्डन गेटविक जाने क्रममा दुर्घटनामा परेको एयर इन्डिया फ्लाइट १७१ का २४१ यात्रु र चालक दलका सदस्यको परिवारलाई १ करोड भारतीय रुपैयाँ राहत दिने घोषणा गरेको छ।
टाटा ग्रुपका अध्यक्ष एन चन्द्रशेखरनले यस निर्णयलाई कम्पनीको सहानुभूति र जिम्मेवारीको प्रतीकको रूपमा प्रस्तुत गर्दै भनेका छन्, “हामी पीडित परिवारसँग एकजुट छौं र यस कठिन समयमा उनीहरूको साथमा छौं।” यस निर्णयअनुसार, प्रत्येक मृतकको परिवारलाई १ करोड रुपैयाँको राहत रकम प्रदान गरिनेछ।
यसका अतिरिक्त, टाटा ग्रुपले घाइते यात्रुहरूको उपचार खर्च पनि व्यहोर्ने प्रतिबद्धता जनाएको छ। साथै, दुर्घटनामा विमानले ठक्कर दिएको बीजे मेडिकल कलेजको होस्टलको पुनर्निर्माणका लागि पनि सहयोग गर्ने योजना बनाएको छ।
यस घटनामा २४२ जना सवार थिए, जसमा १ जना मात्र जीवित बच्न सफल भएका छन्। विमानले उडान भरेपछि केही समयमै इमर्जेन्सी ल्यान्डिङका लागि प्रयास गर्दा दुर्घटना भएको हो।
यस घटनापछि टाटा ग्रुपको यो राहत घोषणा भारत र विश्वभरका नागरिक र सरकारका तर्फबाट सकारात्मक प्रतिक्रिया प्राप्त भएको छ।
